Török, Gyula

Török Gyula estis hungara verkisto kaj ĵurnalisto. Li naskiĝis la 16-an de julio 1888 en Simánd, kaj mortis la 20-an de oktobro 1918 en Budapeŝto, pro la hispana gripo.
Török venis el malriĉa familio: lia patro estis brutogardisto de grafo Károlyi en Simánd, kaj lia patrino apartenis al nobila deveno. En la aĝo de 18 jaroj li ekzameniĝis ĉe la universitato de Kolozvaro por studi geografion kaj historion, celante diplomon de instruisto, sed baldaŭ turnis sin al literaturo.
Lia plej fama romano “A zöldköves gyűrű” (La ringo kun verda ŝtono) aperis en 1913 je la aĝo de 24 jaroj kaj konsidereblas lia majstroverko, priskribante sociajn konfliktojn kaj homajn pasiojn. Aliaj rimarkindaj romanoj estas “A porban” (1912), “Egon” (1915) kaj “Ikrek” (1917). Li verkis ankaŭ multajn novelojn, kritikojn kaj artikolojn, kelkajn publikigitajn en Nyugat.