Rosbach, Hans Amund

Hans Amund ROSBACH (naskita la 9-an de septembro 1924; mortinta la 13-an de junio 1994 en Skien, Norvegio) estis norvega esperantisto kaj pastro.

Li estis esperantisto ekde 1939 kaj aktivis kiel ĝenerala sekretario de Norvega Esperantista Ligo de 1947 ĝis 1950. Li redaktis Skoltan Mondon kaj tradukis religiajn kantojn, interalie de la germana 17-jarcenta teologo Paul Gerhardt. Plurfoje li celebris diservojn dum Esperanto-kongresoj.