Deij, Leendert

Leendert Cornelis DEIJ (naskiĝis la 30-an de oktobro 1919 en Ridderkerk, mortis la 31-an de majo 2011 en Ridderkerk) estis nederlanda esperantisto, kampara, havena kaj fabrika laboristo, maristo kaj havenfaka instruisto. Li esperantiĝis en 1935 kaj poste gvidis kursojn de Esperanto. Leen Deij aktivis en la laborista Esperanto-movado, verkis himnojn por Sennacieca Asocio Tutmonda kaj Esperanta Civito. Publikigis siajn poemojn, artikolojn kaj recenzojn en Malgranda Revuo, Heroldo de Esperanto, Literatura Foiro k.a. Li mortis la 31-an de majo 2011.